Aurreko egunetan bezala gure lanarekin jarraitu dugu eta Hernaniko zuhaitz garrantzitsua ezagutzera joan gara Kardaberaz parkera (duela gutxi izena aldatu diote parke honi. Orain “Kardaberaz parkea” deitzen da eta Kardaberaz kaleak orain “Andrekale” izena hartu du. Beraz Kardaberazek jarraitzen du izena mantentzen Hernanin, lehen kale batean eta orain parke batean).
Hirigune Historikoarentzat interes paisajistiko handia duen parkea da; zuhaitzak tamaina handikoak dira eta espezie botaniko arraroak daude bertan.
Parkean ginkgo (Ginkgo biloba) bat bizi da, “Zuhaitz aparta” izendapena du gainera. Eusko Jaurlaritzak eman zion izendapen hori.
Ehun urtetik gora izango ditu. XIX. mende bukaerakoa dela pentsatzen da, izan ere, azken karlistadaren amaieran Hernaniko Udalak inguru horretako zuhaitzak su-egurretarako moztea agindu zuen, beraz, geroago landatutakoa izango da. 1936-1939ko gerran, berriz, burdinazko bost eskailera maila iltzatu zizkioten gerritik gora, tala gisa, zaintza lanetara gainera igotzea errazteko. 1, 45 metroko gerri-buelta du eta 21 metroko altuera.
Ederra benetan. Aparta.
Ginkgoak emeak edo arrak izan daitezke. Askotan parkeetan arrak landatzen dira, emeek botatzen dituzten fruituek usain txarra botatzen dutenaren fama dutelako. Hernaniko ginkgoa emea omen da.
Zuhaitz sakratua zela pentsatzen zen garai batean. Budistek iada ezaugarri terapeutikoak aitortzen zizkioten zuhaitz honi. Zuhaitz sakratua, mirariak egiten dituena, milaka urte bizi dena… Bigarren mundu gerrako bonba atomikoei ere aurre egin omen zion zuhaitz espezie honek Japonian.
Hostoek oso itxura berezia dute eta zuhaitza horitzen denean parkea inoiz baino zoragarriagoa egoten da.
Nola sentitu zarete? zer topatu duzue? hemen behean zuen istorioak edo eta komentarioak idatzi ditzakezue.
GINKGO BILOBAREN INGURUAN SORTUTAKO TESTUAK
Hernani herria ohiturekin burugogor!
Hernani ere berde gunea da: zuhaitza zaharrak, anizkoitzak, aparteko botanikoaren erakusleihoa…
XIX. Mendekoak. Daudenen artean Ginkgo arbola zaharrenetako bat da. Badaude arrak eta emeak.
Hernanikoa emea omen da fruituak botatzen dituelako. Zuhaitza hau Asian ere ospe handikoa omen da, esaten dute osasuna ekartzen duela eta inkluso mirariak egiten dituela. Hostoek oso
itxura berezia daukate. Zuhaitzari hostoak erortzen zaizkionean parkea zoragarria geratzen da.
Nork ekarriko ote zuen zuhaitz hau Hernanira?
Selene, Irune, Nuria
Atsegin dutAtsegin dut